لك الله يا غزة

كمان بالدولار الامريكى احمدك يارب

مكنتش متخيلة ان فى يوم من الايام هغيب عن بيتى التانى فترة طويلة كدة

دلوقتى بس عذرت اصحابى البلوجرز لما كانوا بيختفوا فترة ومبررهم انهم كانوا مشغولين الفترة اللى فاتت

نفس الشئ حصل لى يوم عادى زى اى يوم اتعرضت على فرصة شغل

بجد هى فرصة واكتر من فرصة حسيت انها ممكن تغير حاجات كتييييير اوى فيه

ممكن تخلينى اساعد الناس اللى بحبهم وبيحبونى ممكن تحمينى من اليوم الاسود

اللى يضيع فيه اعز حد ليه وانا واقفة مكانى

فرصة اكتر من شغل غير حياتى تماما علمنى حاجات كتير اوى

حاجة ملهاش علاقة بأعلام ولا صحافة ولا المجال دة خالص اتعرض عليه قولت لية لا

لية مدخلش فيها واحاول دخلت وانا حاطة قدامى اهدااااااف كتير نفسى احققها وان شاء الله هتتحقق فى اقرب وقت

دخلت وانا حاطة فى بالى انى عمرى ما عرفت حاجة اسمها فشل الحمد لله

دخلت وانا فى بالى انها حاجة جديدة وغريبة ومجنونة بس لية لا

لية افضل اسيرة لمجال معين انا عشقى الاول والاخير الصحافة ومش حاطة اى نظرة مادية فى اعتبارى تجيلى من وراها كفاية اشوف اسمى فى الجورنال دى عندى بكنوز الدنيا بس دخلت حاجة تحدى والحمد لله

اخدت اول شيك وقبضت بالدولار كان شعور تانى خالص وانا معايا فلوس بتاعتى انا نتيجة جهد مش هقول لوالدى ووالدتى عايزة مصروف لا انا اللى هساعدهم كمان شعور تحفة حسيت انى كبرت 20 سنة فوق عمرى

بجد نفسى اشكر ناس كتير اتعلمت منهم حاجات كتتتتتتتتير

مفيش حاجة اسمها فشل او احباط او استسلام

بجد شكرا كوتش ابن عباس على دعمك وكلامك ليه وعبد العزيز وهشام مرغنى وهنادى وعاصم ووضاح وناس كتييييييييير استفدت منكم بجد حاجات كتتتتتتتير اوى ربنا يخليكم لية ودايما تشوفونى ناجحة

وما اوباما الا بشر

اعلم انه مضى ما يقرب على اسبوعين من فوز الرئيس الامريكى المنتخب باراك اوباما ,, ولكن جاء الى الوحى بان اكتب فى تلك الايام بالذات .. بعد ماقراته فى مقالات الراى فى مختلف الصحف وتضاربت العنواين دارت جميعها .. ماذا تفعل لو كان لدينا اوباما عربى ؟؟

وحلم الكثيرون بيوم فوز باراك اوباما بل وتخيلوا انفسهم مكانه وكانه سيحل عقدة رباط الشرق الاوسط وستعود ( بقدرة قادر ) فلسطين والعراق وكل من يحلم باستعادة شبر من اسرائيل سيعود رغما عن انفها .. واسفزنى اكثر مطالبة الشعوب العربية لاوباما فور فوزه فى الانتخابات ان يجعل الشئون العربية ضمن اولوياته فى اجندة المناقشات ( خصيمك النبى يا شيخ ترجعلنا فلسطين .. طيب بص بلاش فلسطين اطردلنا جنديان من العراق واحنا راضيين) جميعها جاءت فى وقت وضع فيه اوباما الازمة المالية فقط التى حلت ببلاده وادت الى تدهور اقتصادها نصب عينيه واتبع مقولة ( دع الكلاب تعوى والقافلة تسير ) ولكن لماذا لا يتحرك المهدى المنتظر محرك السلام

وينقذ الشعوب من بطش الامريكان؟؟ لانه بمنتهى البساطة ليس المهدى المنتظر ولا يختلف كثيرا عن غيره من قادر على تغيير سياسة

امريكية معروف قبل مولدنا بولائها لاسرائيل توهم العرب كثيرا وحلموا كثيرا وانساقوا وراء شعارات ليست حقيقية نعم اامل ان يختلف

اوباما عن غيره وان يحقق شئ ولو بسيط للعرب ولكن لا انساق هكذا واقسم لو استطعت على مصحف ان اوباما لاارى مثيلا فى طيبته وكم اتمنى ان يحل مكان اى حاكم عربى فقط اعطيه قدره وشئت ام ابيت هو حليف لاسرائيل

يحيا الشعب

تحدثت فى مقالتى السابقة عن هشاشة الراسمالية , ويبدو ان الحكومة قد استجابت لنبؤتى ورغبتى فى الا نصبح امارات ثانية , وبات الشعب واستيقظ بين ليلة وضحاها على صراخ منشيتات الجرائد " عرض اسهم 153 شركة مملوكة للدولة ل 41 مليون مواطن " , منهم من فضل غسل وجه بالماء جيدا واخر فضل احتساء كوب من الشاى للتركيز واخر فضل الا يلقى بالا ويذهب لعمله , لانعدام ثقته فى الحكومة حتى وان اعلنت طرق الابواب فى ليلة راس السنة وتوزيع المال , قالها استاذى مجدى الجلاد " ما احلى العودة للشعب " نعم ما احلاها ولكن بترتيب مسبق لتلك العودة , لماذا لا يتلقى الشباب الذى يخاطبهم هذا القرار بوجه اخص بداية من 21 عام دورات تدريبية فى مبادئ الاقتصاد وكيفية التضارب فى البورصة والاكتتاب وغيرها من المصطلحات ( المكلكعة ) والتى رغم درجتنا العلمية الا اننا لانعلم عنها شئ , بدأت الحملات الاعلانية التمهيد لهذا القرار قبل اعلانه وجاء بها السائق والبواب والشغالة الجميع لديهم فرصة شراء الاسهم وامتلاك مؤسسات فى الدولة حتى يصبح لنا قيمة .. ولكن ماذا يعلم عم فتحى او ام محمد او فرج السواق عن هبوط وارتفاع الاسهم .. وما الهدف الذى تطمح اليه الدولة تحقيق مكاسب ام خسائر؟؟ .. اعلن الخبر وتضاربت الاقوال بين شعب لا يعرف ا , ب فى الاقتصاد العام وماهى الاسهم والبورصة وكيفية ادارتها؟؟ , قرار جميل ولكن الاجمل منه التدريب والتهيأة للممارسته

رباه!! الى متى سيظل هذا الشبح يجول بخاطرى ؟؟ يحوى بحركة عباءته العالم باسره , يرى بعينيه الضيقتين معالم جسده وسائر الخلق تحته .. متكبرا , شامخا , عاليا .. يتفنن فى احباط كل من يعترض طريقه يجعلك تقدم على الموت ولو بيده لاعطاك عقاقير الانتحار

لايسمع سوى صوت نفسه تناجيه استمر استمر فى غرورك وتعاليك , اياك ان تكترث بمن كانوا يحبونك واصبحوا يكرهونك

كيف يلوذ لك النوم وانت سبب دمعة ارتسمت على وجه كان لايعرف سوى الابتسامة .. كيف يلوذ لك السبات وانت السبب فى نوبات

اليأس والاحباط؟؟

احييك يا شبح لاتراه سوى عينى وتتردد كلماته فى اذنى .. خلقت بى التحدى وغيرت افكار عين كانت لاترى سوى حدود ضيقة صارت تجوب العالم كله جعلتها تنظر للامور بطريقة لا يراها سواها احيييييييك

الصراحة مقدرتش انتظر اكتر من كدة من غير ما اكتب تدوينة جديدة , اعذرونى جه الوقت الروتينى لامتحانات الميد تيرم الروتينية , بس مش هطبط الصراحة غير لما اكتبلكم البوست دة

اثناء عودتى من يومى المعتاد فى الكلية ولو كان اختلف يوم الخميس المبارك عن المعتاد

اللى بنروح فيه على الساعة 5 اكتر حاجة ,, كان علينا ننتظر لحد الساعة 8!! لنتشرف

بحضور مسرحية " قهوة سادة " بتكليف من استاذى المبجل ايمن عبد الهادى فى قسمى

المبجل " ثقافة وادب وعلى رايه اللى معندوش حس الثاقفة ميدخلش القسم دة ,, ما

علينا روحنا الاوبرا الساعة 7ونص " اييييييييييية دة " اسفين يا جماعة العدد

كومبيليت " طيب يا اونكل ربنا يكرمك دة تكليف لازم نحضر هنسقط "على العموم

خليكوا هنا شوية يمكن يبقى فى مكان وندخلكم
مرت لحظات من الانتظار والنفخ .. ها يا حضرت اية النظام هندخل ولا لا .. يزعق

بصوته ولا شجيع السيما" يا جماعة خلاص كدة التيكتات خلصت طيب اللى معاه تيكت سلم يقدم قدام"
طيب احنا مش معانا تذاكر اصلا ولا سلم ولا بلاكون نعمل اية .. لا انتم خلاص كدة

مفيش مكان .. "حضرتك دة تكليف طيب احنا راضيين ندخل نقف ورا الستارة نناول

الممثلين الملابس بس ندخل " خلاااااااااااااااص العدد اتملى واتقفل الباب فى خلقتنا السمحة

واحنا راجعين بخفى حنين قررنا منستسلمش برشطنا على مسرحية تانية خالص هى

مش حلوة اوى بس شغالة المهم اننا حللنا الوقت اللى ضاع فى الكلية وفى الطريق

كل دة وتمام راجعين بقى فى المترو وخير اللهم ما اجعله خير نلاقى بدل بيضة كتييييير فى وشنا " اية دة يا جماعة فى اية ولية الراجل دة بيشدوه كدة

"

لو سمحت يا حضرت هو فى اية ؟؟ رد عليه العسكرى ابدا لقينا واحد راكب فى عربيات السيدات ...
" طيب واية المشكلة انت جيت على النهاردة ما كل يوم بيركبوا مع السيدات ؟؟

يا استاذة ( دة اللى هو انا ربنا يكرمك ) العربية ام شريطة حمرا ممنوع الركوب فيها حتى لو الساعة عدت 9 ام شريطة خضرا ماشى

الصراحة فطست على روحى من الضحك وقولت بقى الناس اللى بتجرى علشان تركب

وشوية شوية هتدوس على بعض هتشوف دى شريطة حمرا ولا خضرا ولا فحلقى فكرنى

بالفترة اللى كانوا بيطبقوا فيها غرامة على اى حد يركب عكس السهم اللى على الرصيف..
المشكلة مش فى كدة حلو اوى اننا نبقى منظمين ومعاهم فى اللى بيحصل وطبعا عارفين

ان الجو مكهرب اليومين دول علشان حوادث التحرش كل دة وفل

بس المشكلة اننا شعب فوضوى بطبيعته جايين نطبق النظام ونحط قوانين مرور جديد

ونقطع واحد ونخطط لواحد تانى حلو اوى الحط بس فين التنفيذ احنا عاملين زى واحد

خلاص شاب وكبر ومكنش يعرف اى حاجة فى حياته عايزينه يعرف ازاى يقرا ويكتب وكمان يثقف نفسه
الموقف مش علشان المترو بس الموقف فى القاعدة من الاساس احنا حطينا بنود جامدة جدا لشعب ميعرفش ا.ب فى النظام العام ومش عيبه انه ميعرفش عيبه اننا معلمنهوش من البداية

نطلب منه حاجة حاجة ومعقولة علشان يطبقها ويروح للبعده مش ناس اصلا بتجرى

مش شايفة اللى قدامها نقوله السهم اللى على الارض دة طالع ولا نازل والله فكرتونى

بشنطة الاسعاف العقيمة اللى كانوا مقررينها فى بنود قانون المرور الجديد ما علينا

نصيبك يا شعب ولازم تستحمل ..

رجل الحرب والسلام

وقف بعين دامعة لا يدرى ماذا يقول؟؟

امسك بيدى .. قلت له دعنى .. جذبنى نحوه واعتصرنى بين ضلوعه .. رسم على جبينى قبلة ذابت الحياة وراءها

قلت له لا ينالك معى سوى العذاب قال تمنيت ان تكون ايامى جميعها عذاب لو كانت منك

تسلل الى قلبى بخطوات طفل لا زال يحبى .. مجرد رايته بات حلمى .. فلا اعلم من اعطاه مفتاح قلبى

اصبح كالادمان وهو يعرف من ادمن كان من الصعب عليه النسيان .. اصبح كالمخدر , تخدرنى كلماته , عباراته فلا اشبع منه مهما قال ومهما كان

حبيس قلبى

كم وددت ان تحتضن يداك يداى , ان تختلط الخطوط وتتشابك الاصابع , ان تدقق عيناك فى ملامح وجهى الدقيقة لتكون اشجع منى وتقر مابها , ان تنادى شفتاك اسمى فما احلاه حين تنطقه

صغيرة انا كالعصفور ابحث فيك عن عش ارتمى فيه , عن قش يحمينى ويأوينى من غصات الليل وبرودة الجفاء

يا من لا يأتى سوى ببالى , يامن اقسمت على انتظاره ولو توقفت عقارب الزمان , يا حبيس قلبى ارجوك تقبل اعتذارى فلا عتاب على الصغار , ناديتك كثيرا ولاتسمعك سوى اذنى , لا اتمتم بشفتاى حتى لا ينكشف امرى , اهرب بعينى بعيدا عنك يا من علم قلبى الذى كان فى المهد كيف يحب , يا من ناديته كثيرا فلا يرد النداء , من حاورته بعينى وكان الرد ازدراء من اعطيته وسام قلبى فكانت النتيجة جفاء ..

الى من علمنى حرفا .. فصرت له عبدا

لا اعرف سوى هذا الوجه الباسم, العين الواجمة ,وتلك الشخصية التى يغلب عليها التواضع , ان رايته صامتا ساكنا اعلم انه يفكر بشئ لا يخطر ببال احد سواه , قليل الحديث منفرج الاذن دائما للاستماع , اذا قرات عن موضوع تناولته الصحف بشتى الطرق اعلم ان هناك طريق اخر لايسلكه احدا غيره , واذا قرات عن مغامرة او تحقيق شيق يجذبك من اول حرف لاخر نقطة توضع فيه اعلم انه من ابدعاته حتى لا اطيل عليكم لا اتذكر سوى محمد الهوارى علم من اعلام المصرى اليوم , لم يتجاوز الثلاثين بعد ولكنه دائما يشعر انه مختلف ومتميز عن كل من فى عمره وهو كذلك بالفعل رجل يعرف معنى الرسالة التى يحملها على اعتاقه ولابد ان تشرق عليه الشمس يوما رجل ..

تعلمت منه الكثير ومازالت كل كلمة له ترن فى اذنى وتحمل بداخلى معانى كثيرة فان كنت اهوى الصحافة يوما زاد حبى لها بعد حديثى معه وان كنت اعشق المغامرة زاد عشقى لها بعد استماعى له لا يعرف الكبر او الغرور طريقا لقلبه التواضع من سماته , مساعدة كل من يحتاج لمساعدة من مبادئه , ( خيركم من تعلم العلم وعلمه ) حديث راسخ فى ذهنه لا يبخل عليك بمعلومة , موقف , كلمة ليخفف عنك لحظات اليأس التى تنتابك من حين لاخر ..

ستظل استاذى الذى تعلمت منه الكثير ومازلت احمل له كل احترام وتقدير

حفظك الله يا خليفة هيكل

هشاشة الرأسمالية

ما حدث مؤخرا ينم عن ضعف بل بمثابة فضح للدور المالى والسياسى للدول المحافل فى العالم وعلى راسهم الولايات المتحدة الامريكية , تباهينا كثيرا بالعولمة عالم اللاحدود واللاقيود , نعم ومن منا يرفض هذا العالم ولكننا تناسينا - عن عمد - ان كل شئ واى شئ سيلحق بهذا العالم بكل تاكيد ان يكون لنا نصيب فيه ولو ضئيل , وانتهى عصر الاشتراكية وبقى مؤيديه ومعارضيه وانتهت سيطرة الطبقة الوسطى وجاءت الرأسمالية ومااحلاها وزاد تحكم طبقة رجال الاعمال بشكل كبير ان لم يكن كامل, ما اعنيه انه فى الوقت الذى اعترف فيه العالم باسره ان توابع الازمة الملية ستلحق بالدول النامية المعروف عنها انها اكثر دول العالم فقرا وبالطبع لا يقدر الفقراء على مواجهة مشكلاتهم , ظهر وزرائنا المبجلين نافيين تماما اى اضرار لا اقصد مصر وحدها فان مكنها الله من تجاوز تلك الازمة وان تخرج باضرار قليلة هناك من غرق فيها وعلى راسهم دول الخليج التى تحولت باكملها الى دول مؤسسات وهذا ليس قولى وحدى واليكم جزء من مقال " روبرت زوليك " رئيس البنك الدولى " شهد شهرا سبتمبر واكتوبر تطورات جعلت منهما شهرين عسيرين فى عام بالغ التقلب , انهيار فى الاسواق المالية والائتمانية والعقارية , استمرار الضغوط الناجمة عن ارتفاع اسعار السلع الغذائية والوقود وتعاظم مخاطر الوقوع فى الاحداث التى وقعت فى هذين الشهرين يمكن ان تكون نقطة تحول فى اوضاع العديد من البلاد النامية الى الاسؤا وكما هو معروف دوما فان الفقراء هم الاقل استعداد لتحمل النتائج " اريد قول اننى اخشى يوما ان تتحول مصر باكملها االى دولة مؤسسات لا يقتصر دورها سوى الحصول على التراخيص والتصاريح فقط ويختفى الدور الرقابى لها وتتشكل السلطة فى ايدى رجال الاعمال وتصبح الدول مثل الرجل المسن المتقاعد وهناك من يدير اموره واريد ان نعترف ولو امام انفسنا مادام ارتضينا ان ندخل هذا العالم بأرجلنا ان نتحمل نتائجه سواء كانت خير ام شر , واكرر احمق من يقول انه ضدد العولمة او انه قادر ان يخلق بسياسته ودولته عالم اخر لا يتأثر بما يحيط بها ولكن كل ما اتمناه الا نصبح عرائس مريونيت فى ايدى تلك الطبقة اتمنى الانصبح الامارات, قطر اوحتى السعودية فى يوم...

نموت كل يوم

منا من يموت كل يوم عندما يحلم بالنجاح والوظيفة المرموقة وتتحطم اماله على صخرة الوسائط فيصبح خريج الصيدلة الهندسة او حتى الاداب بائع او سائق ميكروباص

منا من يموت كل يوم وهو لا يتعدى راتبه 200 جنيه يذهب 3/4 فى ايجار شقة والباقى لا يكفى لتوفير مستلزمات اسرته منا من يومت كل يوم وهو يبكى من منظر اولاده وهم جياع ولا يملك ثمن العيش الحاف منا من يموت كل يوم وهو يعلم ان ابنه او امه او خاله او خالته كانوا وجبة شهية للحيتان بينما الجانى حر طليق ومنا من يموت كل يوم وله ابن او اخت تحت الصخور كتب عليهم ان يعيشوا لا يشعر بهم احد وان يموتوا لا ينتشلهم احد

منا من يموت كل يوم للتغلب على فقره بعرض اغلى ما يملك للبيع فلايرحمه الفقر ولا يرحمه البيع ومنا من يموت كل يوم مادام ارتضى ان يعيش فى ظله

سجين النفس

ما اصعب ان يعيش الانسان معصوب العينين , اصم وابكم فى عالم لا يدرك معالمه , يتغير حوله كل شئ وهو يرفض التحرك , يعلو صوت صفارة الانذار وهو كما هو محلك سر, وعندما يقرر فجاة ان يتغير لا يبقى امامه سوى طريقين

فاما ان يساير العالم الذى يعيش فيه واما ان يخلق لنفسه عالم جديد بأناس جدد وقوانين لا يضعها احد سواه ولكن لا ترحمه نوبات العودة فيفكر مرارا فى العودة لحياته التى سببت له المتاعب والالام , مهما وصفت لا افلح فى توصيل المعانى الكثيرة التى تحملها الكلمات القليلة للرائع منير ما جذبنى لها انها حقيقة اكثر من كونها مجرد اغنية تقول

وكانى عصفور مدلع اه متلوع وفى قلبى حكايات بتولع ,راح اغنى ولازمنى ادفى وابعد حزنى ولانى حاسس كأنى بحن لزمانى اللى تعبنى ااااااااااه تعبنى , لو هقدر اغير راح اغير لو مش قادر انا لازم اغير واتغير ولان محدش كلمنى انا بمشى على شاطئ حزنى

وكأن العالم مش ملكى...